21’ê adari rocê Newrozî, hindo kû roco newe û mizgîna wesarî yo ayo hind zî yeno vateyê newerna vecîyayişî.
Sey Komela Heqê Merdimon ma Newrozî omarik kenî.
Newroz, dîrok di verba zalimêya Dehaqî devirîyayişê Kawayê Asingazî ra heyonî êro zaf duyelon di sey yew aneneyî omarik bîyo. Newroz, rocvizêr ra ina het sey devirîyayişê bindeston şeklêkî girewto û sey rocêkê devirîyayişî şinasîno. Seba omarikkerdişê Newrozî sey hewadê zaf duyelon erdnîgarîya ma di zî zaf devirîyaye dîya; serronê newayî di şaristonî ki kurdî tede zafêr cuwîyenî omarikkerdişê Newrozî tede qedexe bi, heyna zaf şaristonon di seba kû himwelatîyon Newroz omarik kerd qetil bîyî û tira zafî zî birîndar bîyî. Newroz asar yew devirîyaye yo tarîxîn û bi bedelon reydir êro roc bîyo rocêko gurrhîlon reydir omarik beno.
Tirkîye di arizî pedeşoyê çareserêyaka mabenê serronê 2013-2015’î di sernêkewtişî ra pey 24’temuzi ra ina heti verpîgûnayeyê bi çekî û halê şerrê honqarî; persgirêya kurdî neçar verdîya û Tirkîye çiqas ki şîyi hîna bîyi otoriter, pedeşo yo kû vernî di kurdî, dima heme muhalîfî binê pergalê zext û tahda di bicuwî ververnîya. Ino halê zext û tahda di derheqê heqê binkeyîn û azadîyêyi di apeykewtişêkî cuwîya; serdemeyêkê nîjadperestêyi çiqas ki şîynî Tirkîye di aver kewt û arizî zî pedeşoyê verba kurdbîyîşî sero waştekê cîvakîyî ki sero zext bironîyo ververnîya.
Înî demeyê peyenon di halê verpêgûnayeyê mabenê Îsraîl û Filîstînî û yê Tirkîye û Rardiberêya Honqarê Kurdon Ê Iraqî rê û verba Rocawa vindertişê kû aştî xo di nêhewîneno; Waştekonê şaronê Rocwelatê Mîyonî goşpey kerdiş, halêko polîtîkayonê şerrî di riki kerdiş o.
Polîtîkayonê tecrit ê çeher serron ra pey dîalogo kû Abdullah Öcalanî dir virazîya û veynayişon ra pey gazîya 27’ê sibati bêçekbîyîşê PKK’yî zî mîyon di “Aşt û Civako Demokratîk” raya hemin dir bari bi. Hagîdarîya kû PKK’yî 1’ê adari di hinkerdi û bişîyî xo bêçekbîyîşî rê bihedernî û îlonkerdişê adirbestî bari kerd û gazîya kû bişîyî Kongreyê bêçekbîyîşî bihedernî şertê têviraştişî erdî zon. Asar averşîyîşî û hagîdarêyî ki raya hemin di hêvîyêki viraşta; Partîya îktîdarî yew het ra Rocawa di û herre Honqarê Rardiberêya Kurdistonî di operasyononê xo yê leşkerêyi romiti heto bîyn ra zî HDK’ û sewbîna seyasetkarê Kurd û partîyê Sosyalîstî binçim kerdî û polîtîkayê xo yê tepîştişî romitî. Heme waxt di zî kayyum êştişê xo yê Şaredarîyon zî dewom kerd. 19’ê adari 2025 di Şaredarê Stanbolî yê Girdî zî mîyon di derheqê 106 roşndar, hunersaz, rocnameger û sîyasetkar birrê binçimkerdişî girewt û înîn ra 86 tenî binçim kerdî. Asar kerdeyê otoriter ê îktîdarî hêvîya kû derheqê aştî di virazîyaybî yayi lexer fîynenî.
Bi wesîleyê Newrozê 2025’î ma wazenî vîrî bifîynenî ki heqê merdimon, demokrasi û devirîyayişê aştî, bi heme polîtîkayonê zextî rar di bibî zî dewon kenî. Newroz, vernî di sembolêkî devirîyayişê kurdon û bindeston ê demokrasi û aştî yo. Ino semed ra çi hind zext ronîyeno wa bironîyo; ayî ki zextî rê ri bi ri monenî hergû serri omarikkerdişê Newrozî û waştekonê xo bi vengê berzî reydir onî zon. Vateyê Newroz ê raştikînî hinî yo. Raşti ra zî erdnîgarîya ma di omarikkerdişê Newrozî heme zext û şertê neyeyî biromî zî bi gurhîlkî omarik beno; meydonê Newrozî di waştekê azadî û aştê rispîneyîn qîrrîno.
Ma Îktîdarê sîyasî dawetê hagîdarêya “Aşt û Civakê Demokratîk” kenî ki wa yî zî waştekonê demokrasi û azadîyêyi bigîrî binê bîhî û qanûnon yînî hillîna aver nê ki apey wa raya hemin dir bari bikerî. Seba kû bêçekbîyîş qasidî û weşêyi reydir bivirazîyo, gay operasyonê leşkerkî peyeni bider bîro, seba kû Abdullah Öcalan kongreyê bêçekkerdişî bîyero ca ma vîrî fîynenî ki gay şertê bêçekkerdişî bivirazîyî. Bêçekkerdiş û verpêgûnayiş seba înşakerdişê aştî bes nîyo, şerrê çewres serron û verpêgûnayişî kû tahrîfatê sosyal, civakî, haqîqet û edeletî viraşto derî toyî mekanîzmayî hewcî kenî ki û gay civako sîvîl bi hewadê aktif mîyon di ca bigîro ma wazenî ki derî şertî bivirazîyî. Sey İHD’yî, ma wazenî ki raya hemin dir bari bikerî ki erdnîgarîya ma di û heme dinya di seba awonkerdişê aştêkê rispîneyîn xebatonê xo romenî.
Ma sey pawitoxê heqê merdimon Newrozo kû imserri bîro omarikkerdiş verpêgûnayeyî ki romînî û verba şerrî wa aşt bîro, raro neweyo kû şono aştî mala derî bibo vernîyi û bi ino wesîleyî mala serra kû ma resenî azadîyon biba aya serri.
BI CUWÎ NEWROZ!
BICUWÎ BIRARÊYA ŞARON!
BICUWÎ AŞT!
KOMELA HEQÊ MERDIMON!
